जॅकलिन फर्नांडिसचा त्रास कमी होत नाहीये
जॅकलिन फर्नांडिससाठी हे वर्ष खूप कठीण आहे.सुकेश चंद्रशेखर रिकव्हरी प्रकरणात जॅकलिन फर्नांडिसच्या अडचणीत वाढ होताना दिसत आहे.या प्रकरणी ईडीने जॅकलिनला आरोपी बनवले आहे आणि आता या प्रकरणातील ताजी बातमी अशी आहे की, जॅकलिनला दिल्लीच्या पटियाला हाऊस कोर्टाने समन्स बजावले असून 26 सप्टेंबरला कोर्टात हजर राहण्याचे निर्देश दिले आहेत.याप्रकरणी नुकत्याच दाखल करण्यात आलेल्या पुरवणी आरोपपत्राची दखल घेत न्यायालयाने हे निर्देश दिले आहेत.
या प्रकरणीजॅकलिनची यापूर्वी अनेकदा चौकशी करण्यात आली आहे .इंडिया टुडेच्या वृत्तानुसार, जॅकलिनला सुकेशच्या खोटारडेपणाची माहिती होती, असा ईडीचा विश्वास आहे.याआधीच्या तपासात सुकेशने जॅकलिनला सुमारे 10 कोटी रुपयांच्या भेटवस्तू दिल्याचे समोर आले आहे.ईडीने प्रिव्हेन्शन ऑफ मनी लाँडरिंग कायद्यांतर्गत जॅकलिनची 7 कोटी रुपयांची संपत्ती जप्त केली आहे.सुकेशने जॅकलिनलाच नव्हे तर तिच्या कुटुंबीयांनाही मौल्यवान भेटवस्तू दिल्याचे तपासात समोर आले आहे.
