बॉलीवूड अभिनेता शाहरुख खानच्या गोरेगाव येथील रेड चिली कंपनीवर मुंबई महापालिकेने गुरुवारी कारवाई केली. शाहरुखने आपल्या कार्यालयात कर्मचाऱ्यांसाठी बेकायदेशीरपणे उपहारगृह सुरु केले होते. यावर पालिकेने हातोडा चालवत बांधकाम जमिनदोस्त केले. डीएलएच पार्क बिल्डींगमध्ये रेड चिलीजचे कार्यालय आहे. रेड चिलीजने ओपन टेरेसचे रुपांतर उपहारगृहात केल्यामुळे महापालिकेनेही कारवाई केली असल्याचे एका अधिकाऱ्याने सांगितले. सुमारे २००० चौरस फुटाच्या जागेवर हे उपहारगृह होते.
