आदित्य नारायण आणि त्याची पत्नी श्वेता लवकरच आई-वडील होणार आहेत. श्वेताच्या बेबी बंपचा फोटो शेअर करत त्याने सोशल मीडियावर पोस्ट करून याबाबत माहिती दिली आहे. श्रेया घोषाल, नेहा कक्कर आणि अविका गौर यांच्यासह इंडस्ट्रीतील अनेकांनी आदित्यचे अभिनंदन केले आहे. त्याचवेळी, बेबी बंपचा फोटो शेअर केल्याने अनेकांनी तिला ट्रोल केले आहे, तर काही लोक मुलाच्या लिंगाचा अंदाजही लावत आहेत. आदित्य आणि श्वेता 1 डिसेंबर 2020 रोजी लग्नाच्या बंधनात अडकले. त्यांचे लग्न खूप चर्चेत होते.
लोकांनी अभिनंदन केले
आदित्यने इंस्टाग्रामवर पोस्ट केले, श्वेता आणि मी लवकरच आमच्या पहिल्या अपत्याचे स्वागत करणार आहोत ही बातमी शेअर करताना मी कृतज्ञ आहोत आणि लकी असल्याचं फील करत आहोत. या पोस्टवर श्रेया घोषाल, नेहा कक्कर, नीती मोहन, अविका गौर, अनुष्का सेन आणि विक्रांत मेस्सी यांच्यासह अनेकांनी तिचे अभिनंदन केले आहे.
आदित्यच्या पोस्टवर त्याच्या अनेक चाहत्यांनी मुलगा होणार असल्याचं लिहिलं आहे. यासाठी श्वेताच्या पोटावर सरळ रेषा दिसत असल्याचे तर्कही देण्यात आले आहेत. त्याचबरोबर काहींनी नकारात्मक संदेशही दिले आहेत. आदित्यने इटाइम्सशी संवाद साधताना सांगितले की, त्याच्याकडे लवकरच डोहाळे जेवण सोहळा होणार आहे. यात फक्त त्याच्या कुटुंबीयांचाच सहभाग असेल. त्यांना मुलगी व्हावी अशी त्यांची इच्छा असल्याचेही आदित्यने सांगितले. कारण मुली वडिलांच्या जवळ असतात. आदित्य आणि श्वेता यांनी शापित चित्रपटात एकत्र काम केले होते. जवळपास 10 वर्षांच्या प्रेमसंबंधानंतर दोघांनी 2020 मध्ये लग्न केले.
