मिळालेल्या माहितीनुसार तेलुगू चित्रपट अभिनेता अल्लू अर्जुन याला 4 डिसेंबर रोजी हैदराबादमध्ये पुष्पा 2 या चित्रपटाच्या प्रीमियरदरम्यान झालेल्या चेंगराचेंगरीप्रकरणी पोलिसांनी अटक केली आहे. चेंगराचेंगरीत एका 39 वर्षीय महिलेचा मृत्यू झाला असून तिचा मुलगा गंभीर जखमी झाला आहे. पोलिसांनी संध्या थिएटर व्यवस्थापन, अभिनेता आणि त्याच्या सुरक्षा पथकाविरुद्ध गुन्हा दाखल केला होता. चित्रपटाची टीम प्रीमियरसाठी येणार असल्याची कोणतीही पूर्व माहिती पोलिसांना नव्हती, असे अधिकाऱ्यांनी सांगितले होते. अर्जुनला शुक्रवारी चिक्कडपल्ली पोलिस स्टेशनच्या पथकाने ताब्यात घेतले, जिथे गुन्हा दाखल करण्यात आला आहे.
