India Tourism : भारतात अनेक सुंदर धार्मिक पर्यटनस्थळे आहे. तुम्हाला देखील सुंदर अश्या धार्मिक पर्यटनस्थळांना भेट द्यायची असेल तर तुम्ही उत्तर प्रदेशातील या ठिकाणी नक्कीच भेट देऊ शकतात. तसेच अयोध्येत राम मंदिर बांधल्यानंतर, उत्तर प्रदेशातील पर्यटनाला चालना मिळाली आहे. उत्तर प्रदेशातील अयोध्या, वाराणसी, मथुरा, प्रयागराज आणि सारनाथ ही ठिकाणे त्यांच्या धार्मिक वैशिष्ट्यांसाठी जगभरात प्रसिद्ध आहे. येथे तुम्ही केवळ आनंद घेऊ शकत नाही तर तुमचा क्षण संस्मरणीय देखील बनवू शकता.
अयोध्या
उत्तर प्रदेशातील अयोध्या हे एक पवित्र शहर आहे, ते भगवान रामाचे जन्मस्थान मानले जाते. देशभरातून अनेक भाविक येथे रामजन्मभूमी स्थळी येतात. येथे नागेश्वरनाथ मंदिर आणि हनुमान गढी सारखी अनेक मंदिरे आहे. याशिवाय, तुम्ही शरयू नदीजवळ फिरू शकता.
वाराणसी
वाराणसी हे जगातील सर्वात जुन्या शहरांपैकी एक आहे, ते हिंदूंसाठी एक महत्त्वाचे आध्यात्मिक केंद्र म्हणून ओळखले जाते. वाराणसी त्याच्या घाटांसाठी खूप प्रसिद्ध आहे. येथील एक प्रेक्षणीय स्थळ म्हणजे काशी विश्वनाथ मंदिर, जे भगवान भोलेनाथ यांना समर्पित आहे. येथे दररोज संध्याकाळी होणारी आरती तुमचे मन मोहून टाकेल.
मथुरा
उत्तर प्रदेशातील आध्यात्मिक पर्यटनासाठी आणखी एक महत्त्वाचे ठिकाण म्हणजे भगवान कृष्णाचे जन्मस्थान मथुरा. मथुरा शहर त्याच्या रंगीत सणांसाठी, विशेषतः जन्माष्टमीसाठी खूप प्रसिद्ध आहे. येथील कृष्ण जन्मभूमी मंदिर आणि द्वारकाधीश मंदिर यासारख्या ठिकाणी भेट द्या. याशिवाय, आणखी एक पर्यटन स्थळ म्हणजे वृंदावन, जे त्याच्या सुंदर बागांसाठी आणि भगवान कृष्णांना समर्पित मंदिरांसाठी प्रसिद्ध आहे.
