Foreign Tourism : रोजच्या दैनंदिन जीवनात अनेकांना कंटाळा येतो. तसेच कुठेतरी फिरायला जावे असे वाटते. पण जाणार कुठे असा प्रश्न अनेकांना पडतो. याकरिता आपण सिंगापूर ट्रीप नक्कीच प्लॅन करू शकतात. सिंगापूर हा एक अतिशय सुंदर आणि स्वच्छ देश आहे. सिंगापूरचे सौंदर्य कौतुकास्पद आहे. रंगीबेरंगी आणि चमकदार सिंगापूर पर्यटकांना सर्वात जास्त आकर्षित करते. मित्र, कुटुंब किंवा मुलांसोबत भेट देण्यासाठी सिंगापूर हे सर्वोत्तम ठिकाण आहे. सिंगापूरचे सुंदर समुद्रकिनारे, साहसी उपक्रम, राईड्स आणि चमकदार इमारती तुम्हाला वेड लावतील. तसेच दिल्लीहून सिंगापूरला जाण्यासाठी अनेक फ्लाइट आहे. तुम्ही दिल्लीहून सिंगापूरला सुमारे ५ तासांत पोहोचू शकता.
सिंगापूरमधील भेट देण्याची ठिकाणे
युनिव्हर्सल स्टुडिओ
युनिव्हर्सल स्टुडिओ सेंटोसा बेटावर आहे. तिकीट काढल्यानंतरच तुम्हाला येथे प्रवेश मिळेल. तुमच्या प्रवेश तिकिटाने तुम्ही संपूर्ण युनिव्हर्सल स्टुडिओच्या सर्व राइड्स, अ‍ॅक्टिव्हिटीज आणि मजा मोफत करू शकता. तसेच रोलर कोस्टर राइड्स, मुलांसाठी राइड्स, शो, अ‍ॅक्टिव्हिटी एरिया, डिस्ने हाऊस, फन लँड अशी अनेक ठिकाणे पहाण्यासारखी आहे.
सेंटोसा बेट
तुम्ही सेंटोसा बेटावर जाऊ शकता. तुम्ही येथे मेट्रो किंवा सिटी बसने जाऊ शकता. सेंटोसा पर्यंत काही अंतरासाठी मोनो रेल देखील धावते. तुम्ही मोनो रेलमध्ये मोफत प्रवास करू शकता. तसेच सेंटोसाच्या रमणीय समुद्रकिनाऱ्यांवर आराम करू शकता. येथील समुद्रकिनारे खूप स्वच्छ आणि खूप सुंदर आहे. कामाच्या दिवशी येथे तुम्हाला खूप कमी गर्दी दिसेल.
मरीना बे सँड्स
सिंगापूरच्या प्रसिद्ध गोष्टी फक्त मरीना बे सँड्समध्ये आहे. तुम्ही चित्रांमध्ये पाहिलेल्या मोठ्या इमारती येथे आहे. सिंह तोंडातून येणारे पाणी, स्कायपार्क, आर्टसायन्स म्युझियम, मरीना बे सँड्स कॅसिनो, स्पेक्ट्रा, इन्फिनिटी पूल अशी आकर्षणे येथे आहे. फोटोंसाठी हे सर्वोत्तम ठिकाण आहे. येथून संपूर्ण सिंगापूर दिसते.
क्लार्की आणि बोटकी
जर तुम्हाला सिंगापूरच्या नाईटलाइफचा आनंद घ्यायचा असेल तर तुम्ही क्लार्कीला जाऊ शकता. रात्री १० नंतर तुम्हाला येथे एक वेगळाच उत्साह दिसेल. येथे काही सर्वोत्तम नाईट क्लब, बार, पब आणि कॅसिनो आहे.
