या कुंडातून पावसाळ्यात मोठा धबधबा वाहतो आणि याचे सौंदर्य अधिकच खुलते. या कुंडाबाबत अशी समजूत आहे की ज्यांच्या वैवाहिक जीवनात सतत भांडणे आणि कलह आहेत अथवा जी प्रेमी युगले ब्रेकअपच्या मनस्थितीत आहेत, त्यांनी येथे येऊन पाण्यात भिजले की त्यांच्यातील भांडणे नाहीशी होतात आणि प्रेम वाढीस लागते. त्यामुळे हे कुंड व धबधबा लव्ह फॉल म्हणून प्रसिद्धीस आला आहे.
या कुंडातील पाणी ऐन उन्हाळ्यातही कधीच आटत नाही. असेही सांगतात की या खडकांवरून पाणी वाहत येते तेव्हा त्यात कांही विशेष खनिजे मिसळतात व त्यामुळे हे पाणी गुणकारी बनते. गृहकलह, नवराबायकोमधील विसंवाद या संदर्भात कुणी पंडिताला प्रश्न विचारला तर ते पंडित, ज्योतिषी या धबधब्यात भिजून या असा सल्ला देतात.
