यापुढील लहान-मोठ्या सर्व निवडणुका बहुजन समाज पक्ष स्वबळावरच लढेल, असंही त्यांनी जाहीर केलं. समाजवादी पक्षासोबत आघाडी करून भविष्यात भाजपला हरवणं शक्य होणार नाही, अशी टीकाही त्यांनी केली.
समाजवादी पक्षाचा कार्यकाळ हा दलित विरोधी होता. सत्तेवर असताना त्यांनी दलितांना सरकारी नोकरीत बढती देण्यामध्ये अनेक अडचणी आणल्या होत्या. तरीही व्यापक विचार करून आम्ही त्यांच्यासोबत जाण्याचा निर्णय घेतला होता, असंही मायावतींनी म्हटलं.
