आगामी विधानसभा निवडणुकीच्या तोंडावर राष्ट्रवादी, काँग्रेसमधील अनेक नेते पक्षातून बाहेर पडत आहेत. येत्या १ आणि ५ सप्टेंबरला अनेक दिग्गज नेते भाजपमध्ये प्रवेश करणार आहेत, असे सूत्रांकडून समजते. यामुळे काँग्रेस आघाडीला आणखी एक धक्का बसण्याची शक्यता आहे.
यावेळी खासदार उदयनराजे भोसले, रामराजे निंबाळकर, हर्षवर्धन पाटील, धनंजय महाडिक, सिद्धराम म्हेत्रे उस्मानाबादमधील राष्ट्रवादीचे नेते पद्मसिंह पाटील आणि राणा जगजितसिंह हे नेते भाजपमध्ये प्रवेश करणार आहेत.
दरम्यान, आगामी विधानसभा निवडणुकीसाठी भाजप आणि शिवसेनेची युती होणार असल्याचे मुख्यमंत्री देवेंद्र फडणवीस सांगत आहेत. मात्र, दुसरीकडे भाजपने स्वबळावर लढण्याची तयारी केल्याचे बोलले जात आहे.
