यावेळी रासपचे अध्यक्ष महादेव जानकर, भाजपचे प्रदेश सरचिटणीस सुजितसिंह ठाकूर यांची भाषणे झाली. उमेदवार बाळासाहेब पाटील हाडोंग्रीकर यांनी आपल्या भाषणात सांगितले की, आपले दोन्ही विरोधक दोनवेळा विधानसभेत गेले. त्यांनी या मतदारसंघासाठी काहीच केले नाही. मला एकवेळ संधी द्या, या तालुक्याला उजनीचे पाणी आणून या भागाचा विकास कसा करायचा तो त्यांना दाखवून देतो, असे सांगितले. सूत्रसंचालन अँड. संतोष सूर्यवंशी यांनी केले. या सभेस भूम, परंडा व वाशी तालुक्यातील भाजप युतीचे कार्यकर्ते व नागरिक मोठ्या संख्येने उपस्थित होते.
