वाढत्या प्रदूषणाला आळा घालण्यासाठी राज्यात दि.23 जूनपासून प्लास्टिक बंदी लागू करण्यात आली. मात्र, त्यातून काही बाबी वगळण्याची विनंती राज्य सरकारला करण्यात आली होती. बंदी लागू केल्यानंतर त्याला स्थगिती देण्यास सरकारने नकार दिला. त्या पार्श्‍वभूमीवर दूध पुरवठ्यासाठी केल्या जाणार्‍या प्लास्टिक पिशव्यांचे उत्पादन करण्यात उत्पादकांनी नकार दिला आहे. 30 पैशांची पिशवी 50 पैशाला कशी घेणार? प्लास्टिक बंदीनंतर रिसायकलिंगचा पर्याय पुढे करण्यात आला. दुधाची अर्ध्या लिटरची पिशवी 50 पैशांना विकत घेण्याचे बंधन घालण्यात आले. मात्र, याच पिशवीसाठी जी फिल्म दिली जाते, तिची किंमत ही 30 पैसे असल्याने उत्पादकांसमोर अडचण आहे.
