प्रवीण राऊत यांना २ फेब्रुवारीला १ हजार ३४ कोटी रुपयांच्या जमीन घोटाळ्यामध्ये ईडीने अटक केली होती. शिवसेना खासदार संजय राऊत यांचे प्रवीण राऊत हे निकटवर्तीय आहेत. प्रवीण राऊतांच्या अटकेनंतर संजय राऊतांनी ईडीविरोधात संताप व्यक्त करत गंभीर आरोप केले होते. प्रवीण राऊत यांची ईडी कोठडीतील मुदत संपत असल्यामुळे त्यांना कोर्टात हजर करण्यात आले होते. कोर्टाने त्यांना ७ मार्चपर्यंत न्यायालयीन कोठडी सुनावली आहे.
