31 डिसेंबर आता काहीच दिवसांवर येत आहे. या पार्श्वभूमीवर राज्य उत्पादन शुल्क विभागाकडून भरारी पथक गस्त घालत आहे. या विभागाकडून मोठी कारवाई करण्यात आली आहे. मुंबई-गोवा राष्ट्रीय महामार्गावर गोवा राज्य बनावट विदेशी दारूची वाहतूक होणार असल्याची माहिती मिळाल्यावर या पथकाने रत्नागिरी जिल्ह्यात संगमेश्वर एसटी स्थानक समोर मुंबई-गोवा राष्ट्रीय महामार्गावर वाहनांची कसून तपासणी करण्यास सुरु केले असता सोमवारी पहाटे चार वाजेच्या सुमारास गोव्याच्या दिशेने येणाऱ्या कारला थांबण्याचा इशारा दिला असता या कारच्या चालकाने वाहन न थांबवता भरधाव वेगाने रिव्हर्स गिअर टाकत पळ काढला.
