मध्य प्रदेशातील भोपाळहून दिल्लीला जाणाऱ्या वंदे भारत ट्रेनच्या डब्यात आग लागल्याची बातमी समोर आली आहे. आज सकाळी हजरत निजामुद्दीनला जाणारी वंदे भारत ट्रेन राणी कमलापती रेल्वे स्थानकावरून निघू लागताच बीना स्थानकाजवळ तिच्या K-C-14 कोचला आग लागली.आगीची माहिती मिळताच प्रवाशांमध्ये घबराट पसरली.या डब्यात सुमारे 36 प्रवासी होते, त्यांना कुरवाई कैथोरा येथे सकाळी 7 वाजता गाडी थांबवून खाली उतरवण्यात आले. डब्याच्या बॅटरीला आग लागल्याने हा अपघात झाला.
मिळालेल्या माहितीनुसार, ट्रेन क्रमांक 20171 वंदे भारत एक्सप्रेस सकाळी 5.40 वाजता राणी कमलापती स्थानकावरून हजरत निजामुद्दीनसाठी रवाना झाली. बीनापूर्वी सकाळी 7.10 च्या सुमारास कुरवाई कैथोरा स्टेशनजवळ ट्रेनच्या सी 14 डब्यातून अचानक धूर निघाला आणि आग लागली. आग लागल्याचे पाहून ट्रेन थांबवण्यात आली.
