प्रत्येकजण आपापले सामान घेऊन पळून जाण्यासाठी ट्रेनमधून पळताना दिसत होता. दरम्यान, ट्रेनला आग लागली होती.ट्रेनच्या मधल्या बोगीत फटाके बॉम्बचे स्फोट ऐकू आले. यानंतर तेथे चेंगराचेंगरी झाली. ट्रेनला आग आणि चेंगराचेंगरीमुळे पाच ते सहा जण किरकोळ जखमी झाले.
रेल्वे विभागाला ट्रेनमध्ये स्फोट झाल्याची माहिती देण्यात आली. यानंतर दिल्ली मुख्यालयातून तज्ज्ञांचे पथक घटनास्थळी पाठवण्यात आले. फॉरेन्सिक तज्ञांच्या या पथकाने घटनास्थळाची पाहणी केली, परिस्थितीचा आढावा घेतला आणि वस्तुस्थिती गोळा केली. तेथून पथकाला काही स्फोटके सापडली आहेत. त्यांचे पुरावे प्रयोगशाळेत चाचणीसाठी पाठवले जातील.
घटनास्थळी स्फोटक पदार्थांचे अवशेष आढळून आल्याचे समोर आले. याशिवाय पिस्तुलासारख्या काही संशयास्पद वस्तूही सापडल्या आहेत. मात्र, या लहान मुलांच्या खेळण्यातील बंदुका असल्याचा संशय व्यक्त केला जात आहे. सध्या दिल्ली आणि रोहतक येथील जीआरपी आणि आरपीएफचे पथक तपासात गुंतले आहेत.
