पॅसेंजरचे पाच डबे रुळावरून घसरले, मोठी दुर्घटना टळली
मिळालेल्या माहितीनुसार, प्रवासी ट्रेनचे पाच डबे रुळावरून घसरले. आवाज ऐकल्यानंतर, ट्रेन ताबडतोब थांबवण्यात आली, त्यामुळे मोठी दुर्घटना टळली. या अपघातानंतर इतर गाड्यांसाठी मार्ग मोकळा झाला. ट्रेनमध्ये बसलेल्या इतर प्रवाशांना सुरक्षितपणे बाहेर काढण्यात आले आहे. विल्लुपुरमहून पुद्दुचेरीला जाणाऱ्या प्रवासी ट्रेनचे पाच डबे विल्लुपुरम रेल्वे स्थानकाजवळ रुळावरून घसरले, अशी माहिती रेल्वे जनसंपर्क अधिकाऱ्यांनी दिली. मोठा आवाज ऐकून ट्रेन ताबडतोब थांबवण्यात आली. ट्रेन थांबल्यामुळे मोठी दुर्घटना टळली. आता विल्लुपुरम रेल्वे पोलिसांनी या प्रकरणाचा सखोल तपास सुरू केला आहे.
