अपंग कोट्याचा लाभ मिळवून फसवणूक केल्याचा आरोप असलेल्या भारतीय प्रशासकीय सेवेच्या (आयएएस) माजी प्रशिक्षणार्थी अधिकारी पूजा खेडकरला दिल्ली उच्च न्यायालयाकडून दिलासा मिळाला आहे. खेडकर यांच्या अटकपूर्व जामीन याचिकेवर उच्च न्यायालयाने दिल्ली पोलीस आणि यूपीएसी यांना नोटीस बजावून उत्तर मागितले आहे. आता पूजा खेडकरच्या अटकपूर्व जामिनावर 21 ऑगस्टला सुनावणी होणार आहे. तोपर्यंत उच्च न्यायालयाने त्यांच्या अटकेला स्थगिती दिली आहे.
