हैदराबाद : तेलंगणामध्ये काही दिवसांपूर्वी एका घरात घुसलेल्या सुमारे 100 लोकांनी एका मुलीचे अपहरण केले होते. या घटनेचा व्हिडीओ सोशल मीडियावर व्हायरल झाला, त्यानंतर संपूर्ण देशात याची चर्चा झाली. आता असेच आणखी एक अपहरण प्रकरण समोर आले आहे. राजन्ना सिरसिल्ला जिल्ह्यात मंगळवारी एका 18 वर्षीय मुलीचे अज्ञातांनी अपहरण केले. घटनेच्या वेळी मुलगी मंदिरातून परतत होती. मुलीच्या वडिलांनी तिला सोडवण्याचा प्रयत्न केला पण अपहरणकर्ते तिला घेऊन गेले. या घटनेचा व्हिडिओ सीसीटीव्हीमध्ये कैद झाला असून तो सोशल मीडियावर व्हायरल होत आहे.
बाईक उचलून वडील धावले
काही सेकंदांनंतर, मुलीचे वडील कारचा पाठलाग करण्यासाठी मोटारसायकलवरून बाहेर पडताना दिसतात. मात्र, त्याचे प्रयत्न निष्फळ ठरले. एवढ्या वेळात अपहरणकर्ते कुठे गेले हे कोणीच पाहिले नाही. त्याचे वडीलही परत येतात. मुलीच्या वडिलांनी पोलिसांना माहिती दिली.
Edited by : Smita Joshi
