Mumbai News : महाराष्ट्राच्या मुंबईतील रिझर्व्ह बँक ऑफ इंडियाच्या (आरबीआय) ग्राहक सेवा विभागाला बनावट धमकीचा कॉल आला, अशी माहिती पोलिसांनी रविवारी दिली. अधिकाऱ्यांनी दिलेल्या माहितीनुसार, मुंबई पोलिसांनी या प्रकरणी गुन्हा दाखल करून तपास सुरू केला आहे.
रिझर्व्ह बँक ऑफ इंडिया (RBI) च्या मुंबईतील कार्यालयाला धमकीचा फोन आला. फोन करणाऱ्याने दहशतवादी संघटना लष्कर-ए-तैयबाचा सीईओ असल्याचे दाखवून धमकी दिली. प्राथमिक माहितीनुसार, शनिवारी सकाळी 11 वाजण्याच्या सुमारास हा कॉल आला आणि त्यानंतर आरोपीने गाणे म्हणण्यास सुरुवात केली.
प्रकरणाचे गांभीर्य लक्षात घेऊन मुंबई पोलिसांनी एफआयआर नोंदवून तपास सुरू केला आहे. आरोपींवर कडक कारवाई केली जाईल, असे पोलिसांचे म्हणणे असून, या कॉलमागे कोणाचा हात आहे, याचा लवकरच शोध घेण्याचा प्रयत्न सुरू आहे.
