Maharashtra News : दहा वर्षांपूर्वी गोरगरीब जनतेची दिशाभूल करून आणि 'अच्छे दिन आएंगे', 'सबका साथ-सबका विकास' अशी खोटी स्वप्ने दाखवून नरेंद्र मोदी सत्तेवर आले. पण असा बनावट पंतप्रधान देशात झाला नाही आणि भविष्यातही होणार नाही.
कर्नाटकचे मुख्यमंत्री सिद्धरामय्या यांनी मोदी सरकार आणि भाजपवर हल्लाबोल करताना म्हटले की, मोदी सत्तेतून बाहेर पडल्यानंतरच देशात खऱ्या अर्थाने 'अच्छे दिन' येतील. पंढरपूर-मंगळवेढा आणि अक्कलकोट या दोन विधानसभा मतदारसंघात काँग्रेसच्या प्रचारासाठी मुख्यमंत्री सिद्धरामय्या आले होते.
भाजपने गेली दहा वर्षे केवळ उच्चवर्णीय आणि बड्या भांडवलदारांच्या हितासाठी राज्य केले. खोटी आश्वासने देऊन, लोकांची दिशाभूल करून आणि जात आणि धर्माच्या आधारे तेढ निर्माण करून सत्ता काबीज करणे हा भाजपचा मुख्य उद्देश असल्याचा आरोप सिद्धरामय्या यांनी केला.
