"भारतीय जनता पक्षाचे मार्गदर्शक म्हणून आरएसएसला ओळखलं जातं. त्यांना महागाई वाढली आहे हे मान्य करायचं नाही आहे. त्या सगळ्यांनी यासंदर्भात झोपेचं सोंग घेतलं आहे. महागाईवर बोललो तर समाजात अंतर पडायला लागतं असं म्हणतात. मात्र समाजात अंतर आम्ही पाडलं नाही, आरएसएस मार्गदर्शक असलेला भाजपने समाजात अंतर पाडले आहे," असंही सुप्रिया सुळेंनी म्हटलं.
"शिंदे- फडणवीसांनी सत्ता ओरबाडून घेतली आहे. सत्तेत आलेल्यांना जनतेची सेवा करायची नाही. पालकमंत्रीदेखील आपल्या जिल्ह्याचे नाहीत. मात्र सगळं असलं तरीही विकासकामे झाली पाहिजे," असं म्हणत त्यांनी पुण्याचे पालकमंत्री चंद्रकांत पाटील यांच्यावर निशाणा साधला.
