अनिल परब यांचं कथित अनधिकृत साई रिसॉर्ट तोडण्यासाठी सोमय्या यांनी जोरदार रोड शो करत आपल्या प्रवासाला सुरुवात केली. यावेळी सोमय्या यांच्या समर्थकांनी किरीट सोमय्या आगे बढो, हम तुम्हारे साथ है, भारतीय जनता पार्टीचा विजय असोच्या घोषणा दिल्या. यावेळी सोमय्या यांच्या समर्थकांमध्ये प्रचंड उत्साह पाहायला मिळत होता.
सोमय्या यांचे कोल्हापूर, पुणे, रायगड हे सगळे दौरे वादग्रस्त ठरले होते. दापोली दौऱ्यातही भाजप-शिवसेना संघर्ष तापण्याची शक्यता आहे.
हे गुजरात नाही तर कोकण आहे. आम्ही कोकणातील लोक पर्यटकांच्या साथीने त्यांना रोखणार. यांच्या राजकारणाचा मोठा फटका इथल्या पर्यटनाला बसला आहे. स्थानिकांनी कर्ज काढत, कोरोनातून सावरत घसरलेला गाडा रुळावर आणण्याचा आम्ही प्रयत्न केला असं कदम म्हणाले.
