शाहरुख ते कंगनासाठी 2021 साल पडला भारी, या सेलिब्रिटींना वादात घेरले
बुधवार, 22 डिसेंबर 2021 (08:27 IST)
2022 चे स्वागत करण्याची तयारी सुरु असली तरी 2021 हे वर्ष संपूर्ण जगासाठी फारसे चांगले राहिले नाही.
2020 प्रमाणे या वर्षीही देशात कोरोनामुळे लाखो लोकांना आपला जीव गमवावा लागला, त्यामुळे अनेक घरे उध्वस्त झाली. इतकंच नाही तर हे वर्ष चित्रपटसृष्टीसाठी खास राहिले नाही. या वर्षी अनेक स्टार्सने जगाचा निरोप घेतला, तर काही सेलेब्रिटीज अशा आहेत ज्यांच्यासाठी 2021 हे वर्ष वादांनी भरलेले होते. चला जाणून घेऊया त्या स्टार्सबद्दल जे या वर्षी खूप वादात सापडले आहेत.
आर्यन खान ड्रग्ज प्रकरणात अडकला
असं म्हणतात की सुरुवात टाळली तरी शेवटी असं काही घडतं की सगळंच गडबडून जातं. यावर्षी शाहरुख खान आणि त्याचा मुलगा आर्यन खानसोबतही असेच घडले आहे. या वर्षाच्या शेवटी आर्यन खानला एनसीबीने ड्रग्ज प्रकरणात अटक केली होती, त्यानंतर तो बराच वादात राहिला होता. एवढेच नाही तर आर्यन खानमुळे शाहरुख खानही ऑक्टोबरपासून वादात सापडला आहे. हे वर्ष किंग खानच्या कुटुंबासाठी अत्यंत वाईट गेले असे म्हटणे चुकीचे ठरणार नाही.
अनन्या पांडे चॅटवरून वादात सापडली
आर्यन खानला ड्रग्ज प्रकरणात अटक करण्यात आली तेव्हा त्याच्या फोनवरून एनसीबीला बरीच माहिती मिळाली, त्यामुळे एनसीबीने अनन्या पांडेवरही मुसक्या आवळल्या. आर्यन खानशी गप्पा मारल्यामुळे फसलेली अनन्या पांडेही यावर्षी खूप वादात सापडली होती.
सोनू सूद करचुकवेगिरीच्या प्रकरणातून वादात सापडला
कोरोनाच्या काळात देव बनून लोकांना मदत करणारा सोनू सूद यंदाही वादात सापडला होता. सोनू सूदशी संबंधित 6 ठिकाणी आयकर विभागाने छापे टाकले होते, त्यावेळी सोनू सूद चर्चेत होता. अशात यंदा सोनू सूदच्या छाप्यांमुळे तो वादात सापडला आहे.
या छाप्यामुळे तापसी पन्नू प्रसिद्धीच्या झोतात आली
आयकर विभागाने या वर्षी छापे टाकले तेव्हा बॉलिवूड अभिनेत्री तापसी पन्नूचे नावही या यादीत सामील झाले आहे. प्राप्तिकर विभागाने 650 कोटींच्या कर चोरीचा गुन्हा दाखल केला आहे. तपास केला असता, त्यावेळी तापसी पन्नूचेही नाव पुढे आले होते. त्यानंतर प्राप्तिकर विभागाने तापसी पन्नू आणि अनुराग कश्यप यांच्या घरावर छापे टाकले होते.
पॉर्न व्हिडिओ प्रकरणी शिल्पा शेट्टी आणि राज कुंद्रा वादात सापडले
बॉलिवूड अभिनेत्री शिल्पा शेट्टीचा पती राज कुंद्रा या वर्षी पॉर्नोग्राफी प्रकरणी तुरुंगातून बाहेर आला आहे. राज कुंदा यांच्यावर यावर्षी अश्लील चित्रपट बनवून अॅपच्या माध्यमातून लोकांपर्यंत पोहोचवल्याचा आरोप होता. यानंतर शिल्पा शेट्टी आणि राज कुंद्रा दोघेही वादात सापडले होते.
देशाचे स्वातंत्र्य भीकेत मिळाले - कंगना
दरवर्षीप्रमाणे यंदाही बॉलिवूड अभिनेत्री कंगना रणौत खूप चर्चेत होती. नुकतेच कंगना राणौतने 1947 मध्ये भिक मागून देशाला स्वातंत्र्य मिळाले, भारताला खऱ्या अर्थाने स्वातंत्र्य मिळाले ते 2014 मध्ये, असे विधान केले होते. मात्र, या वादग्रस्त विधानामुळे कंगना राणौतलाही खूप ट्रोल करण्यात आले.
200 कोटींच्या मनी लाँड्रिंगप्रकरणी ईडीने बॉलिवूड अभिनेत्री जॅकलिन फर्नांडिसवर आपली पकड घट्ट केली होती. नुकतेच जॅकलिन आणि सुकेश चंद्रशेखरचे फोटोही सोशल मीडियावर व्हायरल झाले आहेत.
त्यामुळे अभिनेत्रीला लोकांच्या विरोधालाही सामोरे जावे लागले.
