शिकागो सनटाइम्सने दिलेल्या वृत्तानुसार, शिकागोमध्ये झालेल्या गोळीबारात 11 जणांचा मृत्यू झाला असून 55 जण जखमी झाले आहेत. यामध्ये दोन महिला आणि एका 8 वर्षांच्या मुलाचा समावेश आहे. दुसरीकडे, कॅलिफोर्नियातील हंटिंग्टन बीचवर स्वातंत्र्यदिनी फटाक्यांची आतषबाजी संपल्यानंतर दोन तासांनी झालेल्या हल्ल्यात दोन जण ठार झाले.
क्लीव्हलँडमध्ये एका 10 वर्षीय मुलीची हत्या करण्यात आली. फिलाडेल्फिया, बोस्टन आणि कनेक्टिकटमध्ये गोळीबाराच्या घटनांमध्ये तीन जणांचा मृत्यू झाला. क्वीन्स विभागातील एका अपार्टमेंटमध्ये आठ वर्षांच्या मुलाची चाकूने वार करून हत्या करण्यात आली. गेल्या वर्षीही स्वातंत्र्यदिनाच्या सुट्टीत झालेल्या गोळीबारात डझनहून अधिक लोकांचा मृत्यू झाला होता.
