दुखापतीला जिद्दीनं परतावून लावत नदालने यावर्षी कोर्टवर दमदार पुनरागमन केलं होतं. ऑस्ट्रेलियन ओपनमध्ये तो उपविजेता होता, तर फ्रेंच ओपनमध्ये त्यानं बाजी मारली होती. त्यानंतर अमेरिकेत त्यानं वर्षातील दुसरं ग्रँडस्लॅम जेतेपद पटकावलं आहे.
कारकीर्दीत पहिल्यांदाच ग्रँडस्लॅम स्पर्धेची अंतिम फेरी गाठणाऱ्या ३२व्या मानांकित केविन अँडरसनपुढे नदालच सरस ठरला. एकतर्फी झालेल्या या लढतीत नदालचे पूर्ण वर्चस्व होते. त्याने पहिल्या सेटमध्ये 6-3 ने बाजी मारत सामन्याला दणक्यात सुरुवात केली. त्यानंतर दुसऱ्या सेटमध्येही नदालच सरस दिसून आला. तर पीटर अँडरसनने नदालच्या अनुभवासमोर पूर्णपणे गुडघे टेकल्याचे दिसत होते. हा सेटही नदालने 6-3 ने जिंकत सामन्यात आघाडी घेतली.
