भारतीय टेनिसपटू श्रीवल्ली भादिमिपतीला येथे एल अँड टी मुंबई ओपनच्या दुसऱ्या फेरीत रशियाच्या 16 वर्षीय अलिना कॉर्निव्हाकडून पराभव पत्करावा लागला. क्रिकेट क्लब ऑफ इंडिया (CCI) संकुलात दोन तास 25 मिनिटे रंगलेल्या सामन्यात कॉर्निव्हाने श्रीवल्लीचा 5-7, 6-4, 6-4 असा पराभव करून उपांत्यपूर्व फेरीत प्रवेश केला. मुंबई ओपनमधील अव्वल पाच मानांकित स्पर्धेतून बाहेर पडले आहेत, सहाव्या मानांकित दार्जा सेमेनिस्टाजा या स्पर्धेतील अव्वल मानांकित आहे.
लॅटव्हियाच्या दार्जाने फ्रान्सच्या अमांडिन हेसेचा 2-6, 6-4, 6-4 असा पराभव करत उपांत्यपूर्व फेरी गाठली. चौथी मानांकित अरिना रोडिओनोव्हा आणि पाचवी मानांकित लॉरा पिगोसी बुधवारी एकेरीच्या स्पर्धेतून बाहेर पडली. दुहेरीच्या सामन्यात सहजा यमलापल्ली आणि वैष्णवी आडकर या भारतीय जोडीला द्वितीय मानांकित सबरीना सांतामारिया आणि डेलिलाह जाकुपोविक यांच्याकडून 3-6, 6-7 असा पराभव पत्करावा लागला.
