बेल्जियमने भारतीय महिला हॉकी संघाचा 2-0 असा पराभव केला. एफआयएच प्रो लीगच्या युरोपियन टप्प्यात भारतीय संघाचा हा सलग सहावा पराभव आहे. दोन गोलशून्य क्वार्टरनंतर, बेल्जियमने तिसऱ्या क्वार्टरमध्ये सलग दोन गोल करत विजय निश्चित केला. शनिवारीही बेल्जियमने भारतीय संघाचा 5-1 असा पराभव केला होता.
40 व्या मिनिटाला अम्ब्रे बेलेन्घीने बेल्जियमला आघाडी मिळवून दिली तर त्यानंतर लगेचच लीन हिल्व्हर्टने आणखी एक गोल करून बेल्जियमला 2-0 अशी आघाडी मिळवून दिली. पहिल्या हाफमध्ये भारत आणि बेल्जियम दोघांनीही आक्रमक हेतू दाखवले. त्यांनी एकमेकांच्या बचावाची चाचणी घेतली. भारताला दोन पेनल्टी कॉर्नरही मिळाले पण संघाला एकही गोल करता आला नाही.
बेल्जियमने भारतीय वर्तुळात अधिक वेळा प्रवेश केला परंतु पहिल्या दोन क्वार्टरमध्ये गोल करण्यात त्यांना अपयश आले. बेल्जियमने 2-0 अशी आघाडी घेतल्यानंतर भारत पुनरागमन करू शकला नाही. या पराभवानंतर, भारत 14 सामन्यांतून 10गुणांसह गुणतालिकेत नवव्या आणि शेवटच्या स्थानावर आहे.
