श्रीकांतने अप्रतिम कामगिरी करत दोनदा ऑलिम्पिक सुवर्णपदक विजेत्या आणि पाच वेळा विश्वविजेता ठरलेला लिन डॅन याचा २१-१९, २१-१७ असा पराभव केला. पुरुष एकेरीचा हा अंतिम सामना ४६ मिनिटे चालला. श्रीकांतचा हा पहिलाच सुपर सीरिज किताब आहे.
दोघांनी ८-८ अशी बरोबरी साधल्यानंतर श्रीकांतने ११-९ अशी बढत मिळवली; पण त्यानंतर सामना १२-१२ असा बरोबरीत आला. त्यानंतर हा सामना रोमांचक होत गेला. त्यानंतर दोन्ही खेळाडूंनी १५-१५ अशी बरोबरी साधली; पण श्रीकांतने त्यानंतर चार गुणांची आघाडी घेतली. लिनने एक पॉईंट वाचवला; पण श्रीकांतने पुढील गुण मिळवून भारतीय बॅडमिंटन इतिहासात आपले नाव सुवर्णाक्षरांनी कोरले.