बॅडमिंटनमध्ये सायनाने तुफानी कामगिरीत सातत्य राखताना आज रात्री उपउपांत्यपूर्व फेरीत धडक मारली. ग्रुप गटातील दुसर्या लढतीत सायनाने बेल्जियमाच्या लिएनी तानला फक्त २४ मिनिटांत २१-४, २१-१४ अशी घरची वाट दाखविली.
स्वीडनच्या कार्ल्सकोना येते 2011 युरोपियन चॅम्पियनशिपमध्ये उपांत्यपूर्व फेरीत प्रवेश करून ऑलिम्पिकसाठी पात्र ठरणार्या सॅबरिनाला रविवारच्या लढतीत सायनाच्या शक्तिशाली फटक्यांमुळे कोणतेच उत्तर नव्हते. सायनाने पहिल्यापासूनच सॅबरिनावर दबाव ठेवला. गेल्या महिन्यात थायलँड ग्रां.प्री. आणि इंडोनेशिया ओपन सीरिज जिंकणार्या सायनाने पहिला गेम 12 मिनिटात जिंकत आघाडी घेतली. तर दुसरा गेम केवळ 10 मिनिटांत खिशात टाकत विजयाची नोंद केली. सायनाने या लढतीत प्रारंभापासूनच आक्रमक खेळ केला. तिने पहिल्या सेटमध्ये 12 तर दुसर्या सेटमध्ये 17 गुणांची घसघशीत आघाडी घेत विजयाचा पाया घातला. सायनाचा 'इ' गटातील पुढील सामना बेल्जियमच्या लियाने टेन हिच्याशी होणार आहे.