ऑलिम्पिक चॅम्पियन ली शुरेईने सायनाचा १२-२१, १५-२१ असा सरळ सेटमध्ये पराभव केला. अंतिम फेरीचा हा सामना अजिबात रंगला नाही. अवघ्या ३९ मिनिटात सामन्याचा निकाल लागला. आपल्या खेळाने ली वर दबाव निर्माण करण्यात सायना अपयशी ठरली. उलट ली ने संपूर्ण सामन्यावर वर्चस्व गाजवले. याआधी नऊ वेळा ली शुरेईने विविध स्पर्धांमध्ये सायनाला पराभूत केले आहे.
सायना आणि यिहान यांच्यातील हा १३ वा सामना होता. त्यामध्ये सायनाने ४ तर वांगने ९ वेळा विजय मिळवला आहे. तर यंदाच्या वर्षी खेळण्यात आलेल्या तीन सामन्यात सायना विजयी झाली आहे. याआधी सायनाने उपांत्यपूर्व फेरीत जपानच्या नोझोमी ओकुहाराला २१-१६, २१-१३ असे ४२ मिनिटांत सहज हरवत उपांत्य फेरीत आगेकूच केली.