क्षिप्राकाठी प्राचीन सिद्धवट स्थळ शक्तीभेद म्हणूनही ओळखलं जातं. हिंदू पुराणांनुसार चार वटवृक्षाचे महत्त्व आहे. उज्जैन येथील सिद्धवट हे अक्षयवट (प्रयाग), वंशीवट (वृंदावन), आणि बौधवट (गया) प्रमाणेच पवित्र आहे.
संतती, संपत्ती आणि सद्गती या तीन प्रकारच्या सिद्धीसाठी येथे पूजा केली जाते. संतती अर्थात अपत्य प्राप्तीसाठी येथे उलट स्वस्तिक चिन्ह मांडण्यात येतं. संपत्तीसाठी वृक्षावर रक्षा सूत्र बांधलं जातं. तसेच सद्गती अर्थात पितरांसाठी येथे अनुष्ठान केलं जातं. येथे कालसर्प दोषाचे निवारणही केले जातात.
