अखिल भारतीय कार्यकारिणी आणि राष्ट्र सेविका समितीच्या प्रतिनिधींची बैठक 12 ते 14 जुलै 2024 या कालावधीत स्मृती मंदिर संकुल, नागपूर येथे झाली. या बैठकीला देशभरातील राज्यांमधून 400 प्रतिनिधी उपस्थित होते.
राष्ट्रीय स्वयंसेवक संघाची महिला सहयोगी संघटना असलेल्या राष्ट्र सेविका समितीच्या मुख्य संचालिका शांताक्का यांनी नागपुरात सांगितले की, प्रत्येक व्यक्तीने राष्ट्रहित हे सर्वोपरि मानून नागरी कर्तव्ये पार पाडणे आवश्यक आहे. सर्व प्रकारच्या समस्या सोडवण्यासाठी दृढनिश्चयी समाज निर्माण करावा लागेल आणि त्यासाठी आपले कार्य वाढवावे लागेल.
भारतीय लोकशाही इतिहासातील काळा अध्याय म्हणजेच आणीबाणीची पुनरावृत्ती भविष्यात होऊ नये, हे अत्यंत आवश्यक आहे आणि म्हणूनच केंद्र सरकारच्या २५ जून रोजी ‘संविधान हत्या दिन’ साजरा करण्याच्या निर्णयाचे स्वागत करणारा ठराव मंजूर करण्यात आला.
