मिळालेल्या माहितीनुसार, काल राज्यात बैलपोळा सण साजरा करण्यात आला. जळगावातील वावडदाच्या गोकुळवाडा येथे शुक्रवारी पोळा सण साजरा करताना एका शेतकऱ्याचा बैल अचानक बिथरला आणि घरातील छतावर चढला छताला कठडा नसल्यामुळे बैल खाली सिमेंट काँक्रीटच्या रोडवर पडला. या घटनेत बैल गंभीर जखमी झाला असून तातडीने पशु वैद्यकीय अधिकाऱ्यांना बोलवण्यात आले. या अपघातानंतर बैलाची प्रकृती चिंताजनक आहे. या घटनेमुळे गावात खळबळ माजली आहे.
