मिळालेल्या माहितीनुसार, ही ट्रेन मुंबईतील छत्रपती शिवाजी महाराज टर्मिनस (सीएसएमटी) येथून दुपारी १:१० वाजता निघेल आणि रात्री १०:५० वाजता नांदेडला पोहोचेल. या गाडीचे थांबे दादर, ठाणे, कल्याण, नाशिक रोड, मनमाड, औरंगाबाद, जालना आणि परभणी यासारख्या प्रमुख स्थानकांवर असतील. यामुळे मराठवाडा भागातील लोकांना जलद, आरामदायी आणि आधुनिक रेल्वे प्रवास मिळेल. त्याच वेळी, गाडीचा परतीचा प्रवास नांदेडहून पहाटे ५ वाजता सुरू होईल.
मुंबई-नांदेड वंदे भारत एक्सप्रेसच्या भाड्याबद्दल बोलायचे झाले तर, सीएसएमटी ते नांदेड एसी चेअर कारचे भाडे १,७५० रुपये असू शकते, तर प्रवाशांना एक्झिक्युटिव्ह चेअर कारमध्ये प्रवास करण्यासाठी ३,३०० रुपये खर्च करावे लागू शकतात. अशी माहिती समोर आली आहे.
