अपघातात संजय गव्हाणे, नारायण गव्हाणे दोघांचा मृत्यू झाला आहे. रक्षाबंधनाच्या दिवशी ही दुर्देवी घटना घडल्याने परभणीतील कमळापूर गावात शोककळा पसरली आहे. यातील दोघे भाऊ संजय गव्हाणे आणि नारायण गव्हाणे हे चुलत बहिणीच्या अंत्यसंस्कारासाठी मोटारसायकलने निघाले होते. त्याचवेळी नांदेडमधील लिंबगाव या ठिकाणी एका काराने त्यांच्या मोटारसायकलला जबर धडक दिली. ही धडक इतकी भीषण होती की, त्या दोघांचा जागीच मृत्यू झाला आहे.
