Rajasthan News: राजस्थानमधील डीग जिल्ह्यात गरम दुधाच्या भांड्यात पडून गंभीर भाजल्याने एका तीन वर्षांच्या मुलीचा उपचारादरम्यान मृत्यू झाला. ही घटना २५ मार्च रोजी संध्याकाळी घडली. पोलिसांनी सांगितले की, मुलीला तिला गंभीर अवस्थेत जयपूर येथे रेफर करण्यात आले होते, जिथे उपचारादरम्यान तिचा मृत्यू झाला.
कमान पोलिसांच्या म्हणण्यानुसार, मुलीचे वडील जम्मूमध्ये सैन्यात तैनात आहे. मृत लहान मुलीचे आजोबा यांनी सांगितले की,मुलीच्या आईने दूध उकळून चुलीजवळ ठेवले होते. तसेच, छतावर एक मांजर आली, जी पाहून मुलगी घाबरली आणि पळून जाऊ लागली. धावत असताना, ती गरम दुधाच्या भांड्याशी आदळली आणि त्यात पडली. या अपघातानंतर तिला तात्काळ सरकारी रुग्णालयात उपचारासाठी नेले. तिथून जयपूरला रेफर करण्यात आले, परंतु उपचारादरम्यान मुलीचा मृत्यू झाला.
