सावेडी उपनगरातील पाईपलाईन रोडवरील एकविरा चौकात असलेल्या पावभाजी विक्रेत्याचे दुकान फोडून चोरट्यांनी गॅसटाक्या चोरून नेल्याची घटना घडली आहे.याप्रकरणी मोहन विष्णू कोटकर (वय ३७, रा. गजराज फॅक्टरी शेजारी, गोकुळनगर, भिस्तबाग चौक) यांनी तोफखाना पोलिस ठाण्यात फिर्याद दिली आहे.
दुकानातील दोन गॅसटाक्या, दोन लोखंडी तवे, शेगडी, सहा स्टीलचे मसाले ट्रे चोरून नेले. याप्रकरणी कोटकर यांच्या फिर्यादीवरून तोफखाना पोलिसांनी घरफोडीचा गुन्हा दाखल केला आहे. या गुन्ह्याचा अधिक तपास पोलिस नाईक आव्हाड हे करीत आहेत.
