सत्ता स्थापनेसाठी पुन्हा शिवसेना पक्षप्रमुख उद्धव ठाकरे यांची काँग्रेस नेत्यांसोबत बैठक झाली. या बैठकीनंतर उद्धव ठाकरेंनी चर्चा योग्य दिशेने सुरु आहे. निर्णय लवकरच कळेल, असे सांगितले. जवळपास 55 मिनिटे चाललेल्या या बैठकीत विविध विषयांवर चर्चा झाली.
याचबरोबर, या बैठकीत समान कार्यक्रम ठरविण्यासाठी काँग्रेस-राष्ट्रवादीची 5-5 जणांची समिती तयार करण्यात आली आहे. या समितीत राष्ट्रवादीकडून जयंत पाटील, अजितदादा पवार, छगन भुजबळ, धनंजय मुंडे, नवाब मलिक यांची नावे आहेत. तर काँग्रेसकडून बाळासाहेब थोरात, अशोक चव्हाण, पृथ्वीराज चव्हाण, विजय वडेट्टावार, माणिकराव ठाकरे समितीत असण्याची शक्यता वर्तविण्यात येत आहे.
