अकोला जिल्ह्यातील शिवसेनेचे बाळापूरचे नॉट रिचेबल आमदार नितीन देशमुख हरवल्याची तक्रार पत्नी प्रांजली देशमुख यांनी दिली आहे. अकोला शहरातील सिव्हील लाईन पोलिसांत मिसिंगची तक्रार देण्यात आली, काल रात्रीपासून संपर्कात नसल्याची तक्रार देण्यात आली.
नितीन देशमुख यांचा मुक्काम एकनाथ शिंदे यांच्यासोबत सूरतच्या मेरिडियन हॉटेलमध्ये होता. मात्र, आज सकाळी छातीमध्ये दुखू लागल्यामुळे देशमुख यांना स्थानिक रुग्णालयात दाखल करण्यात आले होते. त्यानंतर नितीन देशमुख यांची प्रकृती फारशी चांगली नसल्याची माहिती आहे.
