बीडच्या माजलगाव तालुक्यात टालेवाडी भागात घराच्या छतावर विजेचा प्रवाह होऊन करंट लागून दोन चिमुकल्यांचा दुर्देवी अंत झाल्याची घटना घडली आहे. माजलगाव तालुक्यातील टालेवाडी येथे भरत बडे यांच्या घराच्या छतावर खेळत असताना घराच्या जवळ लागलेल्या डीपी वरून छतामध्ये विजेचा प्रवाह उतारला आणि त्यात करंट लागून दोन सख्खे चुलत भाऊ बहीण यांचा मृत्यू झाला. साक्षी भरत बडे(12) आणि सार्थक अशोक बडे असे या मयत चिमुकल्यांनी नावे आहे. या घटने मुळे बडे कुटुंबावर दुःखाचा डोंगर कोसळला आहे.
