मविप्र च्या अभिनव शाळेतल्या महाकवी वामनदादा कर्डक साहित्य नगरीत आजपासून संविधान सन्मानार्थ विद्रोही साहित्य संमेलनाला सुरवात झाली आहे. उदघाटनाच्या सुरवातीला विचारयात्रेला सुरवात झाली. हुतात्मा स्मारकातून या विचारयात्रेला प्रारंभ झाला. यात अनेक साहित्यिकांसह नागरिक सहभागी झाले असून विविध लोककला सादर करीत विचार यात्रा संपन्न होत आहे.
विद्रोही साहित्य संमेलनात गायक आदर्श शिंदेची हजेरी
नाशिक येथे आयोजित विद्रोही साहित्य संमेलनाच्या दुसऱ्या दिवशी सुप्रसिद्ध गायक आदर्श शिंदे हजेरी लावणार आहेत. यामुळे विद्रोही साहित्य संमेलनाला चार चांद लागणार आहे.
तसेच ज्येष्ठ गायिका सुषमा देवी, गायक प्रतापसिंग बोदडे, प्रकाश पाटणकर, दिनकर शिंदे, समर्थक शिंदे, रंगराज ढेंगळे, विजयराज निकम, चेतन लोखंडे, जितू देवरे, रोहित उन्हवणे, रवी बराते, संजय उन्हवणे असे अनेक नामवंत गायक या संमेलनात उपस्थिती राहून आपले गीत गायन प्रदर्शित करणार आहे.
