swine flu infections in Maharashtra: राज्यात स्वाइन फ्लूचा धोका वाढला, 142 जणांना स्वाईनफ्लूची लागण, 7 मृत्युमुखी

swine flu infections in Maharashtra: सध्या राज्यात सर्वत्र पावसाळा सुरु आहे. पावसाळा सुरु होताच विविध आजार डोकं वर काढतात. पावसाळा सुरु होताच राज्यात सध्या स्वाइन फ्लूने डोके वर काढले आहे. राज्यात 8 जूनपर्यंत 8 जणांना स्वाइन फ्लूची लागण झाली होती, तर शून्य मृत्यूची नोंद होती. जुलैपासून सुरू झालेल्या जोरदार पावसानंतर या आजाराचा संसर्ग वाढला आहे. 

राज्यात स्वाइन फ्लूचा धोका वाढला आहे. स्वाइन फ्लूचा प्रसार वेगाने होऊ लागला असून आतापर्यंत 142 रुग्णांना स्वाईन फ्लूची लागण झाली असून 7 जणांचा मृत्यू आला आहे.

राज्यात  H1N1 (स्वाइन फ्लू) रुग्णांच्या संख्येत वाढ होत असल्याचे, असे महाराष्ट्राच्या आरोग्य अधिकार्‍यांनी  आरोग्य विभागाच्या अहवालात म्हटले आहे.

कोल्हापुरात तीन आणि पुणे आणि ठाण्यात प्रत्येकी दोघांचा मृत्यू झाला आहे.मुंबईत स्वाइन फ्लूचे 43 तर पुण्यात 23 आणि पालघरमध्ये 22 आहेत. नाशिकमध्ये 17 आणि नागपूर आणि कोल्हापूरमध्ये प्रत्येकी 14, ठाण्यात सात रुग्ण आढळले आहेत.

आजाराच्या नियंत्रणासाठी सर्वेक्षण, प्रतिबंध व आवश्यक उपाययोजना करण्यात येत आहेत, असे आरोग्य विभागाने सांगितले.