ते म्हणाले, तुळजापूर येथे झालेल्‍या राज्‍य कार्यकारिणीच्‍या बैठकीत राज्‍यात संघटेनेचे जाळे अधिक व्‍यापक करण्‍यासाठी सभासद नोंदणी मोहीम सुरू केली आहे. शेतकर्‍यांच्‍या प्रश्‍नाबरोबरच आता स्‍वाभिमानी पक्षाच्‍या वतीने सर्वसामान्‍य जनतेच्‍या आणि शैक्षणिक प्रश्‍नावर आंदोलन करण्‍यात येणार आहे. पेट्रोल, डिझेल, गॅसच्‍या किंमती प्रचंड वाढल्‍या आहेत. ३० रुपयाला मिळणारे पेट्रोल शंभर रुपये होऊ घातले आहे. बाय प्रॉडक्‍ट असलेल्‍या गॅसच्‍या किंमती देखील प्रचंड वाढल्‍या आहेत. यात जनता होरपळत आहे. परंतू त्‍याचे कोणत्‍याच सरकारला काही देणे, घेणे दिसत नाही. वर्ष झाले शाळा सुरू नाहीत. त्‍यामुळे शिष्‍यवृत्ती विद्यार्थ्यांना मिळत नाही. असे असताना शाळा, कॉलेज मात्र पालकांकडे फीसाठी तगादा लावत आहेत असे सांगितले.
