येत्या 26 जून रोजी विधानपरिषदेच्या पदवीधर आणि शिक्षक मतदार संघाची निवडणूक होणार असून सध्या त्यासाठी जोरदार प्रचार सुरु आहे. या निवडणुकांसाठी सर्व पक्षांनी जय्यत तयारी सुरु केली आहे. या निवडणुकीच्या प्रचारासाठी मुख्यमंत्री एकनाथ शिंदे हे उत्तर महाराष्ट्राच्या दौऱ्यावर गेले आणि त्यांनी शिवसेना शिंदे गटाचे उमेदवार किशोर दराडे यांच्या साठी नाशिक, जळगाव, अहमदनगर येथे सभा घेतल्या.
सुषमा अंधारे म्हणाल्या, मुख्यमंत्र्यांच्या सभे नंतर शिक्षक, मुख्याध्यापक, कर्मचाऱ्यांना संस्थाचालकांना पैसे वाटप करण्यात आले. निवडणूक आयोग कुठं आहे? असा सवाल त्यांनी केला. मात्र या आरोपाला शिंदे गटाने फेटाळलंआहे.
नाशिक मतदार संघाच्या निवडणुकीसाठी 26 जून रोजी मतदान होणार असून नाशिक शिक्षक मतदारसंघात शिंदे गटाकडून किशोर दराडे, अजित पवार राष्ट्रवादी गटाचे महेंद्र भावसार, माविआ गटाकडून संदीप गुळवे हे उमेदवार उभे आहे. तर अपक्षाकडून विवेक कोल्हे हे रिंगणात आहे.
