कोरोना महामारीच्या कारणामुळे मागील साधारण 2 वर्षांपासून संपूर्ण जग ठप्प आहे. त्यामुळे अनेक देवस्थानांचा कारभारही ठप्प आहे. परंतू, आता भारतासह महाराष्ट्रात कोरोना महामारीचा संसर्ग कमी होताना दिसतोय. ह्याच पार्श्वभूमीवर आता राज्यभरातील देवस्थानांच्या ठिकाणी होणाऱ्या यात्रोत्सवांना परवानगी दिली जात आहे.
दख्खनचा राजा म्हणूनही श्री जोतिबाचा नावलौकीक आहे. दरम्यान, तब्बल 2 वर्षांनंतर श्री जोतिबाच्या यात्रेचं आयोजन होणार असल्याने भक्तांमध्ये फार उत्सुकता आहे. यंदाच्या वर्षी यात्रेला 10 लाखांहून अधिक भाविक येण्याची शक्यता वर्तवली जात आहे. दरम्यान, यात्रेवेळी बंदोवस्तासाठी इतर जिल्ह्यातून पोलिसांना बोलाविण्यात येतील असंही सतेज पाटील यांनी सांगितलं.
