मिळालेल्या माहितीनुसार,दोन महिन्यांपूर्वी आळंदी परिसरातील एका खाजगी वारकरी शिक्षण संस्थेत आपल्या मुलाला वारकरी शिक्षण घेण्यासाठी आपल्या पाल्याला पालकांनी पाठवले होते. आरोपी शिवप्रसाद भोकनळ हा मुलांना शिक्षण देत होता. पीडित मुलांच्या पालकांनी मुलाला घरी पाहुणे आल्यामुळे आणले होते. तेव्हा मुलगा शिक्षण संस्थेत न जाण्यासाठी परत रडू लागला. तेव्हा पालकांनी त्याला न जाण्याचे कारण विचारले असता त्याने घडलेले सांगितले. त्या वेळी हा सर्व प्रकार उघडकीस आला. आरोपीने मुलाला हरिपाठ ला मुले गेल्यावर थांबविले नंतर एका खोलीत त्याला नेऊन त्याच्यावर अनैसर्गिक अत्याचार केले. कोणाला काहीही सांगितल्यावर तुला बघून घेईन अशी धमकी दिली. नंतर हा प्रकार उघडकीस आल्यावर आळंदी पोलिसांनी गुन्हा दाखल केला असून आरोपी शिवप्रसादला अटक केली आहे.
