शेख आणि इतर कुटुंबातील काही लोक बोरामणी येथील दावल मलिक दर्गाच्या परिसरात गेले असताना रिहाना पाण्याच्या तलावाजवळ हात पाय धुण्यासाठी गेली असताना तिला पाण्याच्या अंदाज आला नसल्याने ती पाण्यात बुडू लागली.तिला वाचविण्यासाठी दोघे जण पाण्यात उतरले मात्र त्यांना देखील पाण्याचा अंदाज आला नाही आणि त्या तिघांचा बुडून दुर्देवी अंत झाला.
मोहम्मद हारुण सलीम शेख वय वर्ष 41,यासीन हारुण शेख वय वर्ष 35 आणि रिहाना तौफिक पिरजादे वय वर्ष 35 असे मयत झालेल्यांची नावे आहेत.संबंधित तिघेही विडी घरकुल कुंभारी येथील रहिवासी आहेत. शेख हे दोघे सख्खे बंधू होते.मयत झालेले तिघे एकाच गावातील रहिवाशी असल्याने गावात या घटने विषयी हळहळ व्यक्त केली जात आहे.
