ऑपरेशन सिंदूरला व्हिडिओ गेम म्हणणाऱ्या काँग्रेसच्या विधानामुळे बराच वाद निर्माण झाला होता. या वादग्रस्त विधानानंतर महायुतीने काँग्रेसवर हल्लाबोल केला. शिवसेनेने काँग्रेस नेते नाना पटोले यांची पक्षातून हकालपट्टी करण्याची मागणीही केली. ऑपरेशन सिंदूरवरील काँग्रेस नेते नाना पटोले यांच्या टिप्पणीवर प्रतिक्रिया देताना शिवसेना नेते संजय निरुपम म्हणाले की, "नाना पटोले यांचे विधान पूर्णपणे आक्षेपार्ह आहे."
नाना पटोलेंवर निशाणा साधत संजय निरुपम म्हणाले, "नाना पटोले असोत किंवा इतर कोणीही असो, जेव्हा संपूर्ण देशात ऑपरेशन सिंदूरचे कौतुक केले जात आहे. त्याच्या यशाचा आनंद साजरा केला जात आहे. आमचे खासदार जगभरातील देशांमध्ये जाऊन ऑपरेशन सिंदूरच्या यशाबद्दल सांगत आहेत. त्यामुळे आपल्या देशात काँग्रेसचे अशिक्षित आणि पाकिस्तान समर्थक लोक पाकिस्तानची बाजू घेतात आणि भारताविरुद्ध, भारताच्या भावना आणि देशभक्तीविरुद्ध आणि सैन्याविरुद्ध अशी विधाने करतात."
संजय निरुपम म्हणाले, “मला वाटतं की नाना पटोले सारखी लोक देशद्रोही आहे. पाकिस्तान समर्थक आहेत. मोदी सरकारबद्दलच्या द्वेषामुळे ते संपूर्ण भारत आणि त्याच्या सैन्याचा द्वेष करू लागले आहेत.जर त्यांना भारत आणि त्याच्या लोकांवर विश्वास नसेल तर त्यांना पाकिस्तानात पाठवायला हवं.”
