Mahakumbha News: केंद्रीय मंत्री रामदास आठवले यांनी बुधवारी आरोप केला की, शिवसेना युबीटी अध्यक्ष उद्धव ठाकरे यांनी महाकुंभाला उपस्थित न राहून हिंदुत्वाचा अपमान केला आहे तसेच हिंदू मतदारांनी त्यांच्यावर बहिष्कार टाकावा. असे देखील ते यावेळी म्हणाले. महाराष्ट्रातील एक प्रमुख दलित नेते आणि भाजपचे सहयोगी आठवले म्हणाले की, ठाकरे हिंदुत्वाबद्दल बोलतात पण प्रयागराजमध्ये सुरू असलेल्या महाकुंभाला ते उपस्थित राहिले नाहीत.
तसेच ते म्हणाले, “ठाकरे यांनी महाकुंभात सहभागी न होऊन हिंदुत्वाचा अपमान केला आहे. हिंदू असणे आणि महाकुंभात सहभागी न होणे हा हिंदूंचा अपमान आहे आणि हिंदूंनी त्यांच्यावर बहिष्कार टाकला पाहिजे. लोकांच्या भावना लक्षात घेऊन त्यांनी महाकुंभात सहभागी व्हायला हवे होते, असे केंद्रीय सामाजिक न्याय आणि सक्षमीकरण राज्यमंत्री म्हणाले. आठवले म्हणाले, “त्यांना नेहमीच हिंदू मते हवी असतात, तरीही त्यांनी महाकुंभात भाग घेतला नाही. "मला वाटतं हिंदू मतदारांनी त्यांच्यावर बहिष्कार टाकावा.'' गेल्या वर्षी नोव्हेंबरमध्ये झालेल्या महाराष्ट्र विधानसभा निवडणुकीचा संदर्भ देत ते म्हणाले की, अलिकडच्या निवडणुकीत हिंदू मतदारांनी या नेत्यांना धडा शिकवला आहे.
