सध्या देशात काही ठिकाणी उकाड्याने नागरिक हैराण झाले आहे. तर देशातील काही राज्यात अवकाळी पावसाचा फटका बसला आहे.शेतकऱ्यांचे पिकाचे नुकसान मोठ्या प्रमाणात झाले असून शेतकरी हवालदिल झाला आहे. राज्यात पुन्हा विजांच्या कडकडाटासह अवकाळी पाऊस आणि गारपिटीचा इशारा पुणे हवामान खात्यानं ने दिला असून काही जिल्ह्यांना ऑरेंज तर काही जिल्ह्यांना यलो अलर्ट जाहीर केला आहे. या मुळे शेतकऱ्यांवर मोठं संकट उभारलं आहे.नगर,बीड, पुणे, उस्मानाबाद ,सातारा आणि कोल्हापूर या भागात ऑरेंज अलर्ट सांगण्यात आले आहे. तर धुळे, जळगाव ,नाशिक, नंदुरबार, आणि विदर्भात यलो अलर्ट जाहीर केले आहे. येत्या दोन दिवस 15 आणि 16 एप्रिल ला देखील पावसाचा जोर वाढणार आहे.
